៣. ញាំទឹកអោយបានច្រើន

ជាតិទឹក ក្នុងរាងកាយគ្រប់គ្រាន់ មានប្រសិទ្ធភាពទប់ស្កាត់ស្នាមជ្រីវជ្រួញ និងជួយឱ្យស្បែកមានសភាពស្រស់ថ្លា ។ ដូចនេះ ដើម្បីថែរក្សាស្បែករបស់អ្នកឱ្យតឹងណែនតាមបែបធម្មជាតិ អ្នកត្រូវប្រាកដថា អ្នកទទួលទានទឹក និងភេសជ្ជៈ ដែលល្អសម្រាប់សុខភាពបានគ្រប់គ្រាន់។

ជាទូទៅ អ្នកឯកទេសណែនាំឱ្យទទួលទានទឹកឱ្យបាន ២ លីត្រ ឬ ៦ទៅ ៨ កែវក្នុងមួយថ្ងៃ។ ដើម្បីទទួលបានអត្ថប្រយោជន៍ យើងខ្ញុំសូមណែនាំអ្នក អោយទទួលទានទឹក នៅពេលមិនទាន់ទទួលទានអាហារ ហើយអ្នកនឹងទទួលបានអត្ថប្រយោជន៍កាន់តែច្រើន បើអ្នកទទួលទានវា ជាមួយទឹកក្រូចឆ្មារ។

 

៤. ទទួលអាហារសម្បូរសារធាតុចិញ្ចឹមឱ្យបានត្រឹមត្រូវ

អ្នកប្រហែលជាធ្លាប់លឺសុភាសិតមួយថា”អ្នកគឺជាអ្វី ដែលអ្នកកំពុងញាំ”។​ វាមិនខុសពីការពិតប៉ុន្មាននោះទេ។​ បើទោះបីជាមនុស្សជាច្រើនបានមើលរំលងពីកត្ដាសំខាន់នេះក្ដី ក៏ប្រភេទអាហារសម្បូរសារធាតុចិញ្ចឹមនេះ នៅតែជាសារធាតុដ៏សំខាន់ក្នុងការធ្វើឱ្យស្បែកតឹងណែន និងប្រយុទ្ធប្រឆាំងភាពជ្រីវជ្រួញ ។​ វីតាមីន សារធាតុរ៉ែ​ ប្រូតេអ៊ីន ព្រមទាំងសារធាតុប្រឆាំងអុកស៊ីដកម្ម អាចធានាបាននូវការទប់ស្កាត់រាល់ផលប៉ះពាល់អវិជ្ជមាននៃអុកស៊ីតកម្ម ដែលកើតមកពីភាពតានតឹង ។

ដូចនេះអ្នកត្រូវបរិភោគអាហារ ដែលសម្បូរដោយសារធាតុចិញ្ចឹមដូចខាងក្រោម:

• ផ្លែឈើ និងបន្លែស្រស់ៗ
• ត្រី និងសាច់ដែលគ្មានខ្លាញ់
• គ្រាប់ផ្លែឈើ
• ទឹក និងភេសជ្ជៈឆុង
• ធញ្ញជាតិ និងសណ្ដែកកួ

 

អត្ថបទ៖ សារ៉ាត

ប្រភព៖ steptohealth